吃出屋邨人情味：評沙田盛記
香港地租金愈來愈高，不少位于鬧市的小店都被迫遷甚至結業，身為 80 后的我都忍不住嘆氣，感嘆港式味道漸見式微。最近聽朋友講沙田有一間開業接近 50 年的小店，幾年前就因租金高昂差點被迫結業，幸好街坊齊齊力撐，小店才得以留低。究竟有甚么令街坊不舍不棄？是食物？還是人情味？即刻去試下！
自制蠔仔餃 $38
選用新鮮蠔仔混入豬肉制成，蠔味十足，不腥；不過每日限量，想試記得先打電話預訂。
隱蔽型格！
小店叫盛記，位于瀝源邨；第一次去，好容易迷路！根據個人經驗，要走上幾次才找到！皆因小店位置偏僻，只有街坊才識！別以為屋邨鋪零裝修，入內即見一幅貼滿黑白照的大墻，人像、風景等照片都有，饒有藝術氣息，似足一間舊影樓！另一邊廂有書架，放滿雜志和書籍，還有綠意盎然的盆栽及由客人贈送的裝飾品，好型格！單睇環境，你絕對想不到它是家面店和火鍋店，反而似一間 Cafe ！好感動啊！
未起筷，先聽街坊朋友講古仔！原來店子于 50 年前已在沙田舊墟開業，其后遷至現址，稱得上是「街坊老店」，入內果然見到街坊有說有笑，時事、家事、街坊事，老友鬼鬼，是邨內聚腳點。不過在 09 年，小店難抵上升 3 倍的租金，差點畫上句號之際，街坊竟發起「撐盛記」大行動，將不舍之情寫于心意卡上，小店最后得以留低。老板認為自己有能力應該回饋社會，于是每逢農歷十六日就會送出 100 碗面給長者，希望透過面食傳遞心意；去年 4 月，更舉辦義賣面食活動為日本籌款，行動雖小，卻是社會上難得有情的老店。
服務窩心
幫襯當日是平日，而且并非繁忙時間，侍應態度友善，臉上經常掛上大大笑容，值得一贊是反應夠快，未揮手叫加湯，他們已經拿著湯壺走過來，唔使勞氣！價格方面，當然不可以與一般任食火鍋相提并論，但亦比高級火鍋店便宜，畢竟選用本地手切牛肉、扎扎跳生猛海鮮、自家制配料，質素拍得住旺區著名火鍋店，只要不嫌地方隔涉，絕對試得過！
